TANG

E weekend aki lo tin un competencia na Aruba di Tang Soo Do. Ya caba tin algun profesional internacional na Aruba relaciona cu e evento aki. Melisa Noguera instructor di Tang Soo Do na Aruba a splica den un entrevista un tiki mas riba e actividadnan y kico por spera e weekend aki.

Lo bay tin e Campeonato Regional organisa pa e Asociacion Mundial di Tang Soo Do. Paisnan manera Merca, Puerto Rico y Costa Rica lo bay t’ey presente pa e campeonato aki. Diabierna lo bay tin actividad dilanti parlamento, caminda e gran maestro Bill Strong, lo bay duna les, hunto cu 14 otro maestro mas. Diasabra lo bay tin competencia cu lo bay cuminsa for di 9’or di mainta pa 4’or dia tardi. Tambe den oranan di mainta lo bay tin 2 maestro lo bay ricibi nan grado y 9 alumno mas lo bay ricibi nan faha preto. Meta principal di Tang Soo Do ta di defensa propio y haci muchanan activo den comunidad y tambe impone disciplina. E parti competitivo lo bay tuma lugar na Centro Libertador Betico Croes. Te cu awo aki tin 200 alumno y 7 scol di Tang Soo Do.

Bill Strong ta un maestro di Tang Soo Do. E tin 67 aña y ainda ta activo. E tan a Aruba relaciona cu e competencia cu lo tin e fin di siman aki. Den un entrevista el a splica y comenta riba su prome bishita na Aruba. Su casa tambe ta un miembro cu ta haci arte marcial. Como persona e tin 40 aña caba haciendo esaki. Sr. Strong no solamente ta maestro di Tang Soo Do, pero ta duna les tambe na Universidad di Alabama. Den adicion di e training, ta pa pasa e conocemento na e siguiente generación. P’esey mes nan ta na Aruba pa asina pasa nan conocemento na e alumnonan aki na Aruba y esnan cu ta di bishita di exterior. Tang Soo Do ta un arte marcial tradicional y no ta un deporte. E ta un arte marcial cu ta pone spirito, curpa y alma hunto y no ta use pa competencia, aunke e maestro kiermen, si tin competencia den e arte aki. Asina ta, e fin di siman aki, pone riba bo agenda pa asina bo presencia kico ta Tang Soo Do.

...