Cuentos En Nahuatl

TEKICHPO IKA KUATLALNAMIKILISTLI.

Se nonali se telpokatl yajki kipaxaloto se itekichpo, uan nopa telpokatl, kiuikayaya kaxtolpuali itomi, uejkaki mokamouijtoya itekichpo ikalijtik, teipa momakajke ika se tlajpaloli, uan kikuepilito nopa telpokatl, kema asito ikalijtik, nopa itomij axkiuikayaya, nopa telpokatl konanki mokuesoua, seyaual motepostojtokak kanke kikajki nopa itomi, uan axkemaj kilnamijki kanke kikajki, uan ijkinoj panok miak meestli , uan se tonali mopantijke uan se tonali nojua mopantijke, uan telpokatl kiipouili nopa itekichpo tlen ipantik, kemej yajki kipaxaloto , uan itekichpo kinankili, amo ximokueso telpokatl, nopa motomij axkanaj tijpolojtok, na nijpanti, uestoya uan nijtlananki, teipaj nikajkokuik, kemaj telpokatl kikajki nopa kamanali tlauel pajki uan kitlaskamatilij miak , nompa itekichpo , uan kiiljui , ma toteko mistlaxtlaui nopa mokuatlalnamikilis, uan teipa nopa itekichpo kikuito nopa tomij uan kiimajtili nopa telpokatl.

Kemej ni tlami ni tlatenpoualistli uan nikintlatlanili nochi tomaseualpoyoua, kemej ne konemej uan nochi toueueyi maseualpoyoua manojki kichiuaka kemej ne touampo kichijki.

Nelmiak tlaskamati.

JULIA GISELA BAUTISTA SAN JUAN

SE PILTOTOTSI

Eliyaya se piltototsi tlauel pilyeyejtsi uikayaka mojmostla, se tonali kichijki itepasol panok tonali uan tlakatijke piltototsitsi, kemaj yajki tototl kitemoti pilokuiltsitsi tlen kiikuase ikoneua, se okichpil achi kentsi sentlajtik kipijpichi uan kemaj tototl kentsi moixijkueni ni okixhpil kimakili ika se tlateuijtlajtli uan kitepixiui tototl uan moeltlapalkoko , patlanki uan moketsato ipan se kuauitl pejki kitlachilia ieltlapatl uan okixpil moisiuilti uan kiiski, kemaj kiiski kikajki tsatsi piltototsitsi, kitlayokoltij tototl uan kintlamakaj ikoneua.

Kejni okichpil ayojkemaj kinmotlak totomej.

WENDY YOLE LOPEZ BAUTISTA.

MOSISINIJKA TOTLAYI.

Eliyaya se totlayi tlen nochi tonali kinuitekiyaya itlapiyalua ipilpoloko uan pilchichi eyi yauiyaya onkuakuauiyaya uan kemantika nopa totlayi kemaj kiitayaya nopa ipilpoloko tlaxikojki nopa totlayi kikuiyaya se kuauitl uan kitopomiliyaya uan nopa pilpolokotsi ikaoui moketsayaya, nochi tonali eliyaya kejnopa, asiko se tonali ayojuelki moketsa nopa pilpoloko. Uajka pejki kinonotsa nopa iteko kampa kiilui amo texmakili, etik ni kuitl uan axuili nimoketsa, nopa iteko kikajki nopa kamanali pejki motlalo uaya nopa ipilchichi, uan kemaj tlaxikoto moketski uan kijtoiki axkemej nijkajtok tla se tlapiali kamati, uan kemaj kikajki nopa ichichi nojki kinankili, yonna axnijkajtok, uajka nopa totlayi sanimaya momajmati uan ayojkemaj ninmakili itlapiyaljua,

ALDRIN YAZIR NARANJO PEREZ.

OME MISTOMEJ UAN SE CHICHI

SE TONALI ISTO SE MISTO YAYAUIK ITOKA ELIYAYA MEESTLI UAN SE ELIYAYA ITOKA IXTEKOLO, SE TONATI NOPA MISTO MEESTLI MOILJUI KICHIUILIS SE TLAKETLTLI NOPA NOPA MISTO IXTEKOLO PAMPA YA KIPIYAYA SE IUAMPO TLEN ELIYAYA SE CHICHI TLEN ITOKA MIKISTLI , UAJKA MESTLI UAN MIKISTLI MOILUIJKE SANSEJKO MA TIMOPALEUIKA TIJCHIUILISE SE TLAKESTLI NE IXTEKOLO, UAJKA KITLALIJKE SE UITSMALOTL KAMPA KOCHI NOPA IXTEKOLO UAJKA NOPA MEESTLI KILKAJKI TLEN TLAKESTOK UAJKA MOTEKATO KAMPA KOCHISKI IXTEKO UAN KEMAJ KIMACHILI KIUIJTSO, MOTLALO KISKI UAN TSATSITIYAJKI ¡ AY,AY,AY TECHPALEUIKAJ, XINEXKICHTILIKA ,NIJUALIKA SE UITSMALOTL IPAN NI NOMETSTOMAJKA UAN NECHKOKO SENIJMAJYA ¡ AY AY AY , UAJKA NBOPA MEESTLI KILNAMIJKI TLEMPA TLAKETLI KICHIJTO TLEN IUAMPO.

RAUL FLORES SAN JUAN.

NA NOTOKA TLEN PILKALTLAMAXTILOYA “ NARCISO MENDOZA “ TLEN TLACHAPA, ATLAPEX, TLATILANTLI UAN NIUALAJ NIJPOUAS SE TLATENPOALISTLI TLEN ITOKA.

OME PILIJNIMEJ UAN ININANA.

Se tonali istoya ome ijnime, se piluiuitsi uan se kuali tlalnamiki uan kipixtoya se ininana achi mokokoayaya nopa se telpokal tlen kuali tlalnamiki kichijtoya se mili, uan kiilui nopa ipilijni uiuitsi , nama na nikixpiyas nonana, uan ta tiyas titlameuati nopa piluiuitsi yajki mila uan pejki tlaixuiteki nochi kiitsontejki tojtli, teipa , asiko tlajkotona uan kiilui nopa iijni na nitlanki nitlaixuiteki uajka nopa iijni axkineltokili, uajmostla yajki tlachiyati imila, uan kiitato kitlamij ixuitektok toktli, teipa pejki kualani , nopa piluiuitsi kiilui, ¿ amo xikualani mostla na nijpapakas tonana,? sankemaj yajki mila nopa ipilijni kimanki atl ma moloni uan teipa kemaj molonki atl kixoyauilito inana, uan kiitak ya mijki uajka kikuito ina iyoyo uan kitlalili, uan teipa kikuito se kuasiya noponi kiseui inana kaltsajkayotsintla, uan kikuito se tochontlaxkali, uan kitlankualti, uan teipa motlalo yajki kiitato totajtsi, uan kiiluij, xiya ne nocha xikitati nonana, uan kemaj asito icha, kiiljui xijkuatopeua kaltsajkayotl, nopa totajtsi neli kikuatopejki nopa kaltsajkayotl , uajka nopa nanatsi tomonito tlalchi, teipa kiiljui ¡ ay totatsi ya tijmiti nonana ¡ ya tlakuayaya namankena ni mits tlateljuis, uajka nopa totatsi kinankili ¡ ay hijo amo xinextlatelui ¡ nochi na nitlakouas tlen titlatekiuis, totatsi motlalo yajki tlakoati, uiuitsi yolpajki pampa kiuiuichijki totatsi.

Nika tlami tlatenpoalistli. Miak tlaskamati nouanpoyoua.

...