Exportación Del Txakoli

AURKIBIDEA

Sarrera.......................................................................................................2-3 orr.

1. Txinako merkatuan sartzeko jarraitu beharreko pausuak............................4-5 orr.

2. Txinara - Shangai- esportatzeko erabakia..................................................6-8 orr.

3.Sektorearen azterketa................................................................................9-13 orr.

3.1. Produkzio lokala

3.2. Konpetentzia

4. Merkatuaren analisia............................................................................14-16 orr.

4.1. Kontsumitzaile motak

4.2. Kontsumitzaileen ezaugarriak: faktore ekonomikoak...

5. Merkatura sartzeko baldintzak.............................................................17-20 orr.

5.1. Markaren erregistroa

5.2. Etiketazio arauak

5.3. Beharrezko dokumentuak

5.4. Arantzelak

6. Garraioa............................................................................................21-22 orr.

7. Esportazio prezioa.............................................................................23-24 orr.

8. Banaketa..........................................................................................25-33 orr.

8.1. Banatzaileak

8.2. Banaketa kanalak

9. Promozioa eta publizitatea.................................................................34-37 orr.

Ondorioa..............................................................................................38-39 orr.

Bibliografia.................................................................................................40 orr.

SARRERA

Ikerketa lan honen bitartez Txinako merkatuaren egoera orokorra aztertu eta Txakolina esportatzeko orduan kontuan izan behar ditugun hainbat puntu azaldu ditut.

Gainera, esportazioaren, kontsumoaren eta merkatuaren ezaugarriak argiago edukitzeko, datu estatistiko ofizialez baliatu naiz.

Momentu honetan, ardoarentzat merkatu potentziala da Txinakoa. Gainera, ardoaren kontsumoari dagokionez, Italia, Frantzia eta Estatu Batuak bezalako herrialde potentzialen atzetik doa. Eta etorkizunean postu hau hobetzea espero da. Postu hau oraindik eta garrantzitsuago egiten da, kontutan hartzen badugu ez dagoela ardoa kontsumitzeko ohitura handiegirik beraien egunerokoan. Hain zuzen ere, ardoaren kontsumoa momentu konkretu batzuetan izaten da, festak, familia bazkariak, ekitaldiak....

Gainera bertako ekonomiaren egoera europar herrialdeekin alderatzen badugu hobea da. Honek txakolina bertara esportatzerako orduan segurtasun handiagoa ematen digu.

Zehazki Txakolina Txinara esportatzeko arrazoi nagusia zera da, bertako biztanleria oso interesaturik dago europar produktuez, eta horren adibide da europar ardo beltzaren hazkundea . Aipatu behar da ere, nahiz eta kopuru txikiago batean kontsumitu, ardo zuriaren kontsumoa ere gorantz dioala, zeren eta hasi berri den ardo kulturaren mugimenduari esker kontsumitzaileek ardo ezberdinei buruzko hautemate gehiago dute. Honek ateak irekitzen dizkigu Txakolina bezalako ardo zuriak esportatzeko.

Ardo motaren araberako salmentak (botilak) (milioi litrotan):

2005 2006 2007 2008 2009 2010 2011

Guztira 547.8 610.3 790,2 969,2 1201,2 1482,2 1754,8

Beltza 360,1 409,3 551,8 692,1 876,2 1102,20 1312,2

Zuria 141,6 152,8 188,1 224,8 271,1 324,4 385,2

Gorria 45,2 47,1 48,9 50,6 52,3 54 55,6

Apartsua 0,9 1,1 1,3 1,6 1,5 1,6 1,8

Iturria: El mercado del vino en China (2011),ICEX.

Gainera, Asiako beste herrialdeekin alderatuz (Japonia, India...), Txinako Gobernuak ardoaren merkatua bultzatzen du, eta horretarako, ardoaren inguruko arantzelak gutxitu dizkie. Orokorrean esportatzailei eta esportatutako ardoen promozioetan parte hartu du.

1.TXINAKO MERKATUAN SARTZEKO JARRAITU BEHARREKO PAUSUAK:

Lehenengo fasea: Txinatar merkatua sakon aztertu.

1.Merkatuaren ezaugarri nagusiak ezagutu.

2.Merkatuan dauden aukerak ezagutu.

3.Faktore kulturalak, ohiturak... kontutan hartu.

4.Merkatuaren berezitasunei arreta jarri.

5.Kontsumitzailearen profila (preferentziak, beharrak, gustuak, tendentziak...)aztertu.

6.Muga arantzelario nagusiak eta bertako legedia ezagutu.

7.Egoera politikoa eta ekonomikoa kontutan hartu.

Bigarrengo fasea: Txinara sartzeko bidea finkatu (merkatuan sartzeko estrategia).

Bi bide:

- Txinan bertan enpresa fisikorik eduki gabe gure produktua bertara eraman.

-Txinan bertan produzitu gure produktua.

Hirugarren fasea: Produktuaren salmenta bide egokia aukeratu

9.Lehendabiziko esportazioak egiteko zein hiri komeni zaigun finkatu (sarrera bide egokiak...)

10. Salmenta kanal ezberdinak aztertu eta egokiena aukeratu.

11.Banatzaile ezberdinen ezagutza izan.

Laugarren fasea: Marketin politika eta promozio bideak ondo finkatu, banatzaile kanala eta salmenta puntua bultzatzeko.

2. ESPORTATZEKO ERABAKIA

Txinako ardoaren merkatua oraindik garatu gabe dago, zeren hedatzen hasi berria dago. Baina etorkizunera begira potentzial handikoa da. Hau honela izan dadin faktore askok eragin dute: txinatarren errentaren hazkundea, bodegen promozio indartsua... Gauzak honela, mundu guztiko bodegek beraien ardoak herrialde honetan saltzen saiatzen hari dira. Honen ondorioz, produktu honen ospea handitzen hari da.

Txinara inportatutako ardo boteilen garapena balioaren arabera

2005 2006 2007 2008 2009 2010

Boteila 53,15% 55,72% 71,32% 72,55% 82,48% 82,22%

Txinara inportatutako ardo botilaren garapena bolumenaren arabera

2005 2006 2007 2008 2009 2010

19,29% 17,51% 28,47% 34,93% 52,67% 51,14%

Iturria: El mercado del vino chino 2011

2009tik 2010era Txinara inportatutako ardo botilen balioak %82,22ko hazkundea jasan du eta %51,14 bolumenak. Orokorrean esan daiteke, Txinak atzerriko ardoa oraindik eta gehiago kontsumitzen duela.

Historikoki, Txinan ez dago ardoa kontsumitzeko ohitura handiegirik. Baina, kultura berrien influentzien ondorioz eta hauenganako interes handiarengatik, ardoaren kontsumoa handiagotu egin da txinatarren artean.

Txina jasaten hari den garapen ekonomiko-sozialarengatik, atzerriko produktuenganako duen harrera onagatik eta hasi berri den ardo kultura indartsuagatik, merkatu potentziala izan daiteke.

Shangai, Pekin, Kanton, Tianjin, Shenzhen... bezalako hiriek osatzen dute Txina, baina bere merkataritza esanguratasunagatik eta inportatutako ardo botila kopuru garrantzitsuagatik Shangaiko hiriburuan arreta jartzea erabaki dut. Gainera historikoki Shangaiko hiritarrek beste hirietakoekin alderatuz edari alkoholdunak kontsumitzeko ohitura handiagoa dute eta harkorragoak izan dira atzerriko influentziekiko.

Ekonomiari dagokionez, Shangaien eros-ahalmen erdi-altua duten biztanleen kopurua handiagotzen hari da. Segmentu hau oso interesgarria da Txakolinarentzat zeren atzerriko ardo botilak garestiak izan ohi dira.

Shangaiko hiriburuaz gehiago ezagutzeko aipatu, bera dela Txinan dagoen populazio handieneko hiria, 23 milioi baino gehiagoko biztanleriaz osaturik.

Azken urte hauetako Txinako hirietako bataz besteko barne produktu gordin per capita 2.599€-koa izan da. Aldiz inguruko landa herrietan 831€-takoa izan da . Beraz argi dago gizarte honetan biztanleriaren arteko ezberdintasun handia dagoela.

Gainera, Shangai hiria Txinako zentro finantzario eta komertziala da. Bertan dago Txinako balore-burtsa handiena. Eta ezin dugu ere ahaztu Shangaiko portuaz, 2005-tik bertan garraiatzen den merkataritza kopuruagatik munduko handienetakoa da.

Arrazoi hauengatik, oso interesgarria da Txakolinaren merkaturatzea Shangai hirigunean astea.

3. SEKTOREAREN AZTERKETA

Txinara Txakolina esportatzeko erabakia hartu baino lehen, ardoaren sektorearen analisi egoki bat egitea da egokiena, bertako ardoaren produkzioa zenbaterainokoa den ikusi eta konpetentzia ezagutzeko.

2.1.Produkzio lokala

Txinan gutxi-gorabehera 490.000 hektarea mahasti sakabanaturik daude . Hauen gehiengoa herri txikietan kokatzen dira eta beraien produkzioa ez da merkatu nazionalerako, baizik eta bertako kontsumorako.

Mahatsaren produkzioa lursail txikietatik eta ez oso eraginkorretatik lortzen da. Beraz, honek mahatsaren kalitatean eta honen barietatean eragin negatiboak ditu.

Txinako edari alkoholdunen industriaren oinarria "likore tradizionalak" izan dira, baina nahiz eta hauen kontsumoa oraindik handia izan ekonomi xumea duten biztanleriaren artean, ikusi da, maila ekonomiko altuagoa dutenen kontsumoa asko murriztu dela.

Txinako ardoaren produkzioari dagokionez, gehiengoa ardo beltza da, eta ardo produkzio totalaren %60 osatzen du, eta %20-a ardo zuria delarik.

Txinan saltzen den txinako ardoaren gehiengoa, produkzio nazional moduan saltzen dute, baina errealitatean, inportatutako ontziratu gabeko ardo atzerritarraz osaturiko botilak dira. Beraz, ardo txinatarrez hitz egiten ari garenean, benetan, txinatar bodegek saldutako ardoez ari gara, hauen jatorriaz ziur egon gabe.

...